#HAPPY MARATHI RAJBHASHA DAY
Happy Marathi Rajbhasha Day to all. वरील ओळ वाचून आपण म्हणाल की अरे हा वेडा-बिडा झालाय की काय?? मराठी भाषा दिनाच्याच शुभेच्छा इंग्रजी मधून देतोय. पण मी ही आपल्या सारखाच वागतोय बरका..! नाही म्हणजे, आजकाल सर्व सण-उत्सवांच्या शुभेच्छा इंग्रजीतूनच देण्याची नवी पद्धत रुजू झाली आहे . हा ती करण्यामागे आपलेच योगदान आहे ही बाब वेगळी. आज मी देखील त्याचाच एक भाग झालो त्यात वाईट काय...?
'लाभले आम्हास भाग्य बोलतो मराठी' हे "मराठी भाषा अभिमान गीत" आपण गातो खरें पण, आपल्याला आपल्या मातृभाषा मराठीचा खरंच गर्व, अभिमान वाटतो का? आपण का आपल्याच राज्यात आपलीच भाषा सोडून बोलतो? आता आपल्याला वाटेल काहीही काय बोलतो पण विचार करा आपण दिवसात कितीदा अनावश्यक ठिकाणी हिंदीचा वापर करतो ते. एखादा परप्रांतीय व्यक्ती ज्याचं अक्खं आयुष्य माझ्या महाराष्ट्रातच गेलं त्याला मराठी येणारंच यात काही वैर नाही. परंतु आपण त्याच्याशी बोलताना त्याच्या भाषेत सुरुवात करतो, तो का कधी तुमच्याशी मराठीत बोलतो? जर तो त्याची भाषा सोडत नाही तर आपण तरी का हो?
फक्त आजच्याच दिवशी व ते पण फक्त 'व्हाट्सअप्प स्टेटस' ठेवण्यासाठी नका ना मराठीचा आदर बाळगू. आदर आपल्या दैनंदिन जीवनात बाळगा, तो आपल्या आचरणात आणा. नाहीतर- "एक ज़माने में मराठी नामक भाषा इस देश मे बोली जाती थी" असं आपल्यालाच सांगावं लागेल! म्हणून आपली मातृभाषा जपा, तिचा अभिमान बाळगा, तिच्यावर प्रेम करा. अन्यथा श्री सुरेश भटांच्याच ओळींप्रमाणे "पाहुणे असंख्य जरी पोसते मराठी, आपल्याच घरात हाल सोसते मराठी" आणि याचे कारणही आपणच बनू! बघा विचार करून.
शेवटी गर्वाने म्हणा-"होय मला अभिमान आहे माझ्या मराठी असण्याचा. मी मराठी म्हणून जन्मलो व आजन्म मराठी म्हणूनच राहीन.
जय महाराष्ट्र!
किमान आज तरी मराठीतच बोला।
(वर कामाच्या ठिकाणा व्यतिरिक्त अनावश्यक पणे बोलल्या जाणाऱ्या हिंदी व इंग्रजी चा उल्लेख आहे)
-देशपांडे ऋग्वेद रविंद्र
संभाजीनगर
No comments:
Post a Comment